姜濤夥陳卓賢再探大熊貓　主動試食盈盈同款竹葉

姜濤和陳卓賢（Ian）早前曾到海洋公園探訪一對港產大熊貓龍鳳胎「家姐」和「細佬」。而為宣傳「家姐細佬後援會」，身為「星級契爸」的兩人今日（4月7日）再次到訪海洋公園，一次過見晒家姐細佬和媽媽盈盈。

姜濤和Ian今日在海洋公園的熊貓館開live，期間姜濤見到盈盈津津有味地吃竹葉，表示想試食同款竹葉，並詢問是否人類都可以進食。工作人員首先給姜濤比較乾身的隔夜竹葉，他表示太乾難以進食，Ian笑言：「估唔到呢個live可以睇到你表演食竹！」。

工作人員之後再送上非隔夜的新鮮竹葉，姜濤拿上手聞一聞後表示：「聞落有清香味，但唔似我哋平時食蔬菜嘅味，好有竹嘅感覺」。姜濤吃過一口後，表示：「其實OK嘅，當沙律咁之嘛！」姜濤邀請Ian一起試食竹葉，Ian笑道：「我唔使啦，我今朝都食咗竹… 瘦肉粥！」最後Ian介紹「家姐細佬後援會」的活動，姜濤笑道：「我喺海洋公園食住竹等你哋呀」。

大熊貓每天需攝取4300至5500卡路里熱量，相等於20碗白飯、或20個漢堡包。牠們的主要食糧都是竹子，包括竹葉、竹莖和竹筍。由於竹子的養份低，成年大熊貓往往花很長時間進食。牠們一天要吃12至38公斤竹子才有足夠力量。至於其他植物或肉類，只佔牠們約1%的食物份量。在香港的大熊貓，食物主要是竹子、窩窩頭、蔬菜，還有牠們喜歡的竹筍、蕃薯及沙葛等。這些自家製的窩窩頭是由基地的熊貓廚房，用上大米、粟米、黃豆、雞蛋等天然食材製作，幫助牠們消化及吸收。