陳山聰突生眼瘡做手術極速康復　即飛大馬會合梁競徽開騷

視帝陳山聰最近主演的電視劇《奪命提示》大受歡迎，事業如日方中的他，前日（18日）在社交網分享一張右眼貼上紗布的照片，自爆生了眼瘡及剛完成眼手術，極速康復後即飛馬來西亞及柬埔寨，與梁競徽、陳國峰等人一同開騷。

陳山聰日前落力為劇集宣傳，出席公開活動時被粉絲察覺他的雙眼疑似出現問題，他亦有大方在社交網留言回覆：「眼發炎！」直到前日，他分享眼貼紗布的照片，寫道：「你隻眼有事呀？」他透露日前已經做了手術，以及親解現階段的康復進度。

陳山聰寫道：「各位就上一個post大家問我隻眼係咪有事，我解答一下大家，冇錯當日活動嚴重眼發炎並且有粒眼瘡係眼入面，所以就咁囉！不過放心已經做咗小手術清除，現在已經康復了9成。」不少粉絲送上慰問兼祝早日康復。

陳山聰昨日（19日）再次更新社交網，透露已經出發到馬來西亞工作，今日更分享行程已轉到柬埔寨，原來他飛到兩地舉行四日三夜金邊雲頂唱唱唱之旅，同行有梁競徽、陳國峰等人，看來寓工作於娛樂，相當愉快。