陳凱琳爆大仔食量驚人　讀爸爸母校學中文

藝人陳凱琳（Grace)今日在九龍塘出席活動，她指有小朋友後更要好好珍惜食物，不要浪費，慶幸3個小朋友在從小教導下也不會揀飲擇食。6歲大仔鄭承悅（Rafael）近期更食量驚人，人仔細細一個人吃16件三文魚壽司，她笑說：「嘉穎話依家先係開始，佢自己12、13歲，成個pizza就咁食，所以要努力賺錢。」

提到讀國際幼稚園的Rafael，因爸爸想小朋友學好中文，不考慮讓大仔升讀國際學校，轉為報讀嘉穎母校華仁小學，她說：「係呀，已經收咗，希望佢學好啲中文，睇吓佢適唔適應，學得幾多得幾多。」要升小學的Rafael，假期也在家上堂準備，她說：「依家假期開始輪流上堂，每個鐘上15分鐘堂，大仔就負責教細佬數學，嘉穎就教佢哋中文，我就教英文，最細個仔就教跳舞，見佢哋上堂都好開心，最緊要令佢哋產生興趣。」Grace透露老公準備帶大仔兩父子去旅行，除了增進父子感情，亦作為兒子成長紀念，她笑說：「佢未試過一個人同個仔去旅行，所以我都有啲擔心，所以我話同佢訂機票，知道佢哋行蹤，有咩事都可以即刻飛過去。」

Grace又表示最近一家五口到成都旅行睇熊貓為她慶生，最有趣是老公鄭嘉穎即興提議去卡拉OK唱，她笑說：「自己都係第一次同3個小朋友去唱k，佢哋搶晒咪、跳晒舞，玩得好開心，搞到Daddy都冇得唱歌。」講到將來子承父業？她覺得大仔的確遺傳了他們的表演慾，但也等待他成長後讓他自己決定。

此外，講到有指倪晨曦（Elva）擊敗她成為香港KOL界的吸金女王，Grace大方表示：「好好呀，我哋認識咗好多年，佢係一個好勤力嘅女仔，我成日都講我、Elva、杏兒都係3個仔嘅媽媽，我都鼓勵Elva生多個，追多個囡。自己就唔諗喇，因為依家照顧3個小朋友都有啲吃力，每日接送放學都好忙，要好好分配時間。」

東網網站 : https://on.cc/東網Facebook專頁 : https://www.facebook.com/onccnews/