方皓玟出素顏零filter圖　對比「極緻P圖」變肉肉女

方皓玟(小明)早前就被網民留言指近日出的相P圖P得太強，所以雖然近日去了旅行，但都在IG出了兩張圖反擊指控，其中一張是完全沒P圖沒用filter拍的素顏照，另一張則被她形容為「極緻P圖嘅小明」。

方皓玟上載兩張圖留言：「既然大家咁關注我有冇P圖😇，就俾2張 📸絕密私照📸 你地睇下啦。一張係極緻P圖嘅小明😜。一張就係‘’Filter/P圖/化粧‘’乜都無，太乾搽咗d潤唇膏嘅小明。出發緊去沙漠觀光。」不久之後還出了一張在沙漠中的相：「難得去旅行梗係出多啲po，開心share😚😚😚」
其實自行P圖成肉肉女的小明，近日亦有上載背心相，引來粉絲關注，因為背部瘦到見骨，她亦有回應：「感恩大家近期好關心我健康，會唔會太瘦。其實我每日都食足3餐㗎，平時去茶仔我會食晒成碟炒飯再加杯奶茶。睇我手瓜起𦟌咁款，就知道我日常的確好勤力操練💪。所以大家唔使擔心，不過我都會聽大家話，再努力食多啲食多啲，炒飯一碟再加多份西多士啦！」似乎都沒有受到近日的新聞影響心情。