新聞小花賴君蕊素顏曝光　網民大嗌唔認得

無綫新聞部雖然有唔少索女主播離巢，不過仍有唔少人選擇留低，好似現年28歲嘅高級主播賴君蕊（Lillian）！早前更因為主持資訊節目《睇新聞‧講英文》教大家講英文而人氣急升，其實佢早已獲網民追捧，話愈睇愈有味道！

而最近網上就流傳佢嘅素顏照，雖然不施脂粉，淡雅梳妝，同平時濃妝上鏡嘅佢好大分別，網民都話唔認得，但大讚有另一番感覺，清純得嚟仲少女咗添！

唔講唔知，原來賴君蕊原名係賴展宏，但因為原名太過男性化，所以入行後佢改咗名！

東網網站 : https://on.cc/

東網Facebook專頁 : https://www.facebook.com/onccnews/