鬧交鬧足12年　安德尊李錦聯成《都市閒情》經典

《都市閒情》由1992年首播，由安德尊、宋芝齡、劉彩玉、林淑敏、姚嘉妮等先後加入主持，不過當中安德尊與前主持人李錦聯煮餸時互寸互窒成為經典，成為節目特色之一！

喺節目中有「TVB廚神」之稱嘅李錦聯，自2009年起屢次於節目中同安德尊起言語衝突，李錦聯就解釋話只係節目效果，點知2個愈鬧愈多人睇，2016年TVB更開拍《區區開伙》新節目，畀佢哋一邊嘈交一邊介紹香港美食，話題性十足！

不過去到2016年年底，李錦聯約滿離開TVB，轉做飲食生意，之後就未見佢哋同台，觀眾都好掛住2人日嘈夜嘈嘅日子。

其實佢哋私下都好好感情，李錦聯離巢時就讚過安德尊人好好，但太霸道，成日搶晒啲嘢嚟做，又自爆安德尊好關心佢健康，拍《區》時就成日勸佢唔好成日飲酒等，睇得出2人關係唔錯。

東網網站 : https://on.cc/

東網Facebook專頁 : https://www.facebook.com/onccnews/