陳柏宇細女跌倒縫針 後尾枕貼大紗布 稱Audrey瞓得好

陳柏宇（Jason）與太太符曉薇育有兩女陳羿辰（Abigail）及陳星晴（Audrey），下月2歲的細女Audrey，昨晨（22日）發生家居意外，趁爸爸行開時企上梳化邊，結果不慎跌倒撞傷頭部，入院縫了7針。

今晨（23日）Jason如常開Ig直播，不少網民留言祝Audrey早日康復，Jason和兩個囡囡及家傭在家吃早餐，及後囡囡的外婆前來探望，片段中的Audrey後尾枕貼了大片紗布，她表現精靈，自己吃麵，又和爸爸Jason互動兼親親爹哋，Abi則和媽媽符曉薇視像，她提醒大女Abi要小心：「你睇到妹妹流晒血，你都唔想聯針？」

Jason亦叫Abi多練習，他說：「留意多啲你爬嘢嘅時候，安唔安全﹑危唔危險，睇下有邊啲位可以踩落地下，有邊啲位係唔踩得，唔可以坐落去嘅，去番多啲公園，爬番多啲嘢，咁你就會叻啲㗎。」他又指Audrey瞓得好好，又憶自己兒時曾撼傷眼要聯針，曾試過跌斷手及裂了腳骨。

（即時娛樂）