「蔥頭」丘梓謙搶閘「回家」　誓阻周嘉洛翻撻林凱恩

藝人周嘉洛早前透露即將正式回歸《愛．回家之開心速遞》，唔少人都期待「金城安」同「Bonnie」林凱恩復合，不過日前播出一集，久未出現嘅Bonnie男友、「蔥頭」丘梓謙都同樣回歸，似乎令「安Bon」戀再起變數！劇情講到蔥頭進修完回歸演藝圈，但仍因同Bonnie拍拖呃粉絲而被唾棄，被迫做「二打六」扮樹及做伴舞等，更被「大小姐」林淑敏安排於微電影中，扮曱甴另一個上位新星「豆豉」狂打，用拖鞋打臉、用腳踩頭等，激到Bonnie真情流露，大鬧編劇「熊尚善」滕麗名冷血。

但其實一切係熊尚善嘅計謀，目的係令「大小姐」及一班粉絲心軟同情蔥頭，重新接受2人，不但令蔥頭成功翻身，佢同Bonnie仲被封為「蔥Bon CP」，相信「安Bon」暫時都復合無望。