曾展望中途轉基？葉蒨文被叫阿嫂嗌黐線

無綫戀綜《女神配對計劃》成城中熱話，其中藝人曾展望（GM）與林俊其（Kris）在節目中分別大膽向女神葉蒨文（Sophie）及羅毓儀（Yuki）示愛，令兩人人氣急升。近日GM孖住俊其在網上直播，Sophie與Yuki一度驚喜現身，Sophie問網民有何留言，Kris如實回答：「佢哋話兩位阿嫂。」Sophie聞言即謂：「黐線！我哋走喇拜拜！」

期間，GM問Yuki在節目上被壁咚是甚麼感覺，並笑言：「我睇完節目，我有啲想畀Kris壁咚，佢好識壁咚，你係咪煲好多韓劇煲返嚟？」Kris即時滿足對方要求，上演男男壁咚戲碼，Kris輕撫對方頭髮並說：「其實Sophie唔係咁好，你有機會都可以考慮吓我。」GM全程一臉怕醜，事後坦言：「嘩，我明喎！我明喎！佢有啲壓迫感喎！」Sophie笑問GM：「你覺得點，因為你耳仔都有啲紅，你係咪想中途轉基？」之後改由GM壁咚Kris，不過就搞笑成分居多，他拿出眼藥水說：「呢個係為期一個月嘅眼藥水，我滴咗一個禮拜，希望剩底嗰3個禮拜畀你滴。」場面爆笑，Sophie笑問：「點解差咁遠，GM真係好啱做喜劇。」又指他很有「收數」味道。

東網網站 : https://on.cc/東網Facebook專頁 : https://www.facebook.com/onccnews/