「連式情歌」唔老利！連詩雅婚禮拒唱《到此為止》

歌手連詩雅（Shiga）今日（18日）為節目《勁歌金曲》錄影，她透露忙於新歌宣傳，去年產量不多，其新歌《他不是你》獲粉絲讚是「連式情歌」，是自己最鍾意悲慘但勵志的曲風，鼓勵大家放低過去，要向前看，問到準新娘應該演繹不到慘情歌？她笑說：「我哋演員可以演繹到，入錄音室時會放低電話投入情緒。（陳家樂電話都唔聽？）我們溝通好好，會理解，佢做嘢都唔睇電話。」

提到2人婚禮上便不能唱自己的「連式情歌」，Shiga笑言：「意頭上好似麻麻，始終有長輩喺度，冇理由唱《到此為止》，唔係幾好。不過有朋友搵過我照唱，但就唔提歌名囉！」不過她也不打算在自己婚禮上唱歌，或者請嘉賓唱。可會請周柏豪獻唱？覺得提議幾好，未知他會否介意。Shiga表示黃翠如和陳自瑤會擔任姊妹團，問會否請黃翠如負責魔音送客部分？她稱姊妹有很多任務，當日會很忙。

另外提到同門周柏豪離開TMG，Shiga說：「好似完了約，未知佢動向，我哋由細識到大，佢無論做乜都會支持。」

東網網站 : https://on.cc/東網Facebook專頁 : https://www.facebook.com/onccnews/