鄧麗欣上山下海拍MV　酷熱天氣滂沱大雨受盡考驗

歌手鄧麗欣（Stephy）最近推出新歌《立斷》，歌曲由Stephy與作曲的謝芊彤一齊填詞，她很喜歡歌曲旋律，部分歌詞亦道出自己心聲，Stephy說：「講緊1段圍繞咗我好長時間、情緒糾結嘅關係，今日自己成長咗，經歷咗咁多嘢之後，懂得將呢啲情緒斷開，唔好俾自己糾結喺唔開心嘅狀態入面。佢仲有更深層嘅意義，但好多嘢唔想講得太白，希望大家聽歌、睇歌詞時思考下。」

Stephy新歌MV拍攝時不但上山下海，還經歷酷熱天氣和滂沱大雨「1日4季」，拍攝當天早上，她先在33度的烈日下到海灘拍攝落水鏡頭，還要赤腳漫步石堆上，但優雅背後，卻要忍受着腳板刺痛。一Cut機她也面露痛苦表情笑說：「我表情係咪都管理得唔錯呢？我仲要懶靚咁，但其實好痛。」下午轉戰山頭拍攝與8位Dancers跳舞，但風雲突變下起滂沱大雨，幸好暴雨過後漸變天晴。

去到晚上在Studio拍攝投影部分，不同顏色圖案投影在Stephy的臉上，她又用指尖輕畫水面形成波浪，攝影師在水缸下捕捉唯美瞬間，Stephy回想着1整天發生的事說：「經歷咗差唔多四季，今朝就出猛太陽好熱，跟住又好潮濕有春天嘅感覺。下晝就開始落雨、烏雲密布，但好彩落完雨都拍到想拍嘅部分。夜晚就去返室內拍啲Mood嘢，呢首歌冇特別要講故事，希望攞啲比較靚、有詩意嘅畫面。好好玩，係畫面上講故仔，而唔係用故仔去形容呢首歌。」

此外，拍攝前Stephy與排舞師反覆練習不同的肢體動作：「跳舞同學仔同我跳咗啲好有意思嘅舞步，我都唔好意思話我參與跳舞，主要都係肢體形態，我唔係好識跳現代舞，無謂獻醜就唔跳太多，配合幾個動作咁。佢哋好辛苦，又落雨淋濕晒、又要用紗冚住個頭，見佢哋出晒汗黏住晒啲陰，好多謝佢哋嘅參與。」

3月完成紅館演唱會後，Stephy將於9月到澳門開騷，距離演唱會還有3個月時間，她透露正密鑼緊鼓籌備中，首要任務是操肌並曬出「老鼠仔」笑說：「完咗香港站我唔係偷懶，係肩頸有少少勞損，所以唔敢做太多劇烈運動，要休息返啲肌肉先，嗰幾個月都冇乜舉重，啱啱開始返做運動。」

東網網站 : https://on.cc/東網Facebook專頁 : https://www.facebook.com/onccnews/