葉童再與黃德斌合作　自覺感情昇華

藝人葉童及黃德斌主演的廣東話黑色話劇《唔講得》去年11 月於香港文化中心大劇院首演叫好叫座，早前又於吉隆坡及廣州兩地進行巡演，相當成功。而話劇將於9月4至7日再在香港文化中心大劇院重演，日前眾演員進行新一輪排練，德斌說：「呢個劇過咗咁耐再喺香港重演，對我嚟講係一個新鮮嘅體驗，因為今次有啲唔同，特別係音樂方面嘅處理方式，我會當佢係一個新嘅劇去做。」至於葉童亦謂：「我同德斌係上年合作呢個劇，之後我哋去咗幾個地方演出，今次同德斌再合作有一種熟悉嘅距離感，唔知係咪一種感情嘅昇華，就好似要行番遠少少去觀望佢，去體會佢嘅感受嗰種感覺一樣。」

東網網站 : https://on.cc/東網Facebook專頁 : https://www.facebook.com/onccnews/