鍾嘉欣超激大露背長裙誘老公　被笑為第4胎努力

前無綫花旦鍾嘉欣同脊醫老公Jeremy最近去咗馬爾代夫旅行，歎二人世界慶祝準備踏入結婚9周年。尋日（7日）佢先上載多張又攬又孭兼坐大髀嘅甜蜜合照，今日（8日）佢更超激罕上載身穿性感開胸大露背長裙，近乎低到見到股溝，胸前亦見3吋事業線，見佢由酒店房間行出屋外浮台，二人間房連接大海，一出房就可以跳入水，不過靚景都不及鍾嘉欣嘅誘人身材，性感指數爆燈！二人已先後誕下兩女一仔，但今次個Trip鍾嘉欣扭盡六壬晒腿、晒背、晒body，即被網友笑指二人係為第4胎努力。

東網網站 : https://on.cc/東網Facebook專頁 : https://www.facebook.com/onccnews/