Gin Lee教出3個節目冠軍　「最強導師」有啲攰：盡量唔再做

《全民造星VI》總決賽日前（1月4日）在澳門舉行，最終由王偉俊（Teller）以「第11人」身分奪冠。今屆除了各參賽者得到關注外，導師Gin Lee（李幸倪）亦憑出心出力的表現得到不少正評。Gin Lee除了是《全民造星VI》冠軍的導師，其實她曾兩度擔任《聲夢傳奇》導師，當中炎明熹和任暟晴都是她的學員。Gin Lee獲教出3個節目冠軍，被網民封為「最強導師」。

有網民在社交平台出帖文，寫道：「作為近五年上升速度比較快嘅女歌手之一，Gin Lee竟然仲有時間做選手節目冠軍嘅導師，仲成就咗3個冠軍，佢真係『堅Lee』。」引來Gin Lee親自回覆：「謝謝你的鼓勵。每日時間得咁多，瞓少啲、捨棄一些工作，想做都可以做到，但係儘量都唔好再做，都有啲攰。」

《全民造星VI》冠軍Teller昨日出感謝帖文，提到：「多謝Gin Lee各方面嘅支持，同埋時刻提點我努力嘅人係唔會輸。」Gin Lee亦有發文寫道：「What a crazy ride! I’m so glad to hear that what I shared and taught you along the way has been useful. I’m so happy for you @t4teller ! All the best, and keep shining! （想用英文寫係因為佢有時會同我講英文）」

Gin Lee就擔任《全民造星VI》導師總結：「做導師，係一項十級難嘅任務。唔係有技能就自然做到好導師。因為做導師要用心、用時間、用體力，仲要用策略、用腦，唔係『應付』比賽，而係同學生一齊『玩』比賽。無時無刻都要思考、調整、應變，要有耐性，亦要接受好多嘢喺自己 comfort zone 之外。尤其《造星》呢個複雜、急速、多元嘅舞台，我嘅責任係引導學員，令佢哋喺唔同情境下發揮到最好。」

Gin Lee直言日後很大機會不會再做導師：「可能有人覺得『做導師好簡單』，或者覺得搵個更高級數嘅人就可以。其實，搵能力高、有經驗嘅人已經難，仲要佢願意投入精神、心力、時間，放低自己工作，不計成本投入十個月，真係難上加難。點解咁難都做？除咗愛，我諗唔到其他原因。我愛呢班年輕人，愛每一個竭盡所能追夢嘅人。我未必係最好嘅導師，但係我一定有盡我所能去做。最後，最重要係有學員嘅信任同努力，冇呢種默契，就唔會有咁多值得留低嘅表演。我唔敢講之後會唔會再做導師（好大機會唔會），但至少呢段旅程，對我嚟講，係功德圓滿。」