吳沚默過年無家可歸　搵朋友黐餐！

無綫「文青女神」吳沚默因疫情關係，今年農曆年未能返內地與家人團聚，要獨自留在香港，幸好一向人緣不俗的她，有朋友「收留」照顧，不用自己一個那麼孤單：「因為疫情都冇辦法，會同父母視像拜年，惟有安慰自己可以見多啲朋友，叫朋友加多對筷子，收留吓我（食飯）。」

出身書香世家

她除了演戲，亦喜歡寫作，擁不少小說作品，舉手投足都散發着濃濃文青氣息，原來她出身書香世家，她謂：「屋企人有老師，爺爺就係校長嚟，好懷念小時候去江西同爺爺、嫲嫲一齊過年，大家會喺庭院入面飲茶、練字，好清靜。」

爺爺嗌「點詩」

不少人喜歡「點歌」憑歌寄意，沚默爺爺就會叫她「點詩」，問她喜歡哪一首詩，然後用毛筆寫低，作為禮物：「每一年都會送寫好一首畀我，依家變成我好珍貴嘅回憶，好多都裱起咗掛起屋企度，感覺好溫暖。」

場地提供：apm

東網網站 : https://on.cc/

東網Facebook專頁 : https://www.facebook.com/onccnews/