15億獨立屋曝光！林夏薇背心仔勁舞騷小蠻腰

近日忙於拍攝新劇《七公主》嘅林夏薇，一唔使開工就留在家中避「炎」，仲不時拍片分享居家生活，意外令其位於山頂嘅15億獨立屋曝光！

佢喺社交網上載一段着睡衣喺客廳跳舞嘅片，見其客廳相當闊落，而且天花樓底極高，並有大水晶吊燈，以及目測逾50吋嘅大電視，布置得非常有生活品味！此外，家中更設有Gym房設備齊全，放滿啞鈴、跑步機等不同器材，環境開揚夠晒空間做運動！而佢早前就已經晒出私人泳池，真係在家千日好呀！

之後佢再上載新一段着上吊帶小背心跳舞嘅片，喺鏡頭前搔首弄姿晒小蠻腰！今次佢再換一換位置，移師到偏廳拍片，可見其單位非常大！

東網網站 : https://on.cc/

東網Facebook專頁 : https://www.facebook.com/onccnews/