TigerMarf各單飛開騷　門票火速秒殺

女圑COLLAR成員Marf及男圑MIRROR成員Tiger分別出道4及7年，終於迎來舉行單飛演唱會機會，成功證明個人實力。其中Marf於3月22日假麥花臣場館開騷，票價分1,180（企及 座位）、$980（企位及座位）和$680（座位）三種，她更預告在個唱中以舞會友，及計劃加入音樂劇元素作賣點，結果預售情況理想，門票遭「秒殺」，據Marf的Fan Club透露預售推出內部飛佔全數門票25％，如場館可容納最多2千觀眾，即預購僅推出500張，粉絲若搶不到門票，就要把握2月5日起的公售機會。

未知Marf是否慶祝個唱反應佳，在社交網上載和COLLAR隊長Gao大跳開心舞的短片，兩人在越南街頭跳出高難度舞步，粉絲留言大叫精彩，還提議Marf可考慮請Gao做個唱嘉賓。

至於在同一場地及同一票價，但比Marf早兩日開個人騷的Tiger，個唱預售門票銷情被網民形容為「大癲」，有粉絲留言：「我肯定無半分鐘，我10秒內去到畀錢嗰頁都買唔到」、「我都應該冇30秒…因為之前已經入晒資料」、「係半分鐘唔夠無貴飛，1分鐘無埋平飛」，令粉絲極度失望，留言：「希望真係售完而唔係人扣起飛扮秒殺賣晒飛啦」，還有粉絲鼓勵「撲空者」，溫提1月30日還有門票公售機會，呼籲屆時以光速搶飛。

東網網站 : https://on.cc/東網Facebook專頁 : https://www.facebook.com/onccnews/