恐怖熱線｜「鬼王」潘紹聰獲馬浚偉邀請　15年後重返新城開咪

「鬼王」潘紹聰曾於新城電台主持《恐怖熱線》多年，其後於2007年底離任，自立門戶創辦「好大個網」持續《恐怖在線》，快將16年。今日（15日）潘紹聰現身黃埔出席「新城廣播甲辰年新春團拜暨節目巡禮」，現場更公布潘紹聰重返新城開咪，將於3月9日起逢星期六晚11時主持《恐怖熱線》。

潘紹聰早已事先預告有件事要公布，更寫明：「#一件十五年冇做既事 #一個十五年冇返既地方」，原來他重返新城開咪，今日他現身受訪時表示：「其實15年之後返翻嚟娘家新城電台呢度，的確係有啲感觸嘅，真係要多謝馬生（新城營運總監馬浚偉）嘅邀請，好記得嗰陣時傾係喺間房度，佢仲話如果我唔應承就出唔到呢間房，就係咁我就應承咗佢返嚟，會喺每個星期六晚開咪主持《恐怖熱線》。（重金禮聘請你返嚟？）哈哈，呢個世界就講心嘅啫，但都要講少少嘅金嘅。總算合理價啦，但唔及Viu TV咁多。」

潘紹聰曾任香港電台交通台節目助理，後來於新城電台開台後，加入新城勁歌台主持深夜音樂節目，多年來出出入入新城，並於九十年代末接替蔡康年，成為第二代主持靈異節目《恐怖熱線》，期間曾經與另一DJ路芙共同主持節目，直至新城娛樂台在2008年進行節目改組，潘紹聰主持直到2007年12月30日的最後一集。

離開新城後，潘紹聰曾加盟網上電台Uonlive主持《極度恐怖熱線》，其後再加盟另一網上電台香港人網，節目定名為《恐怖在線》，之後他再開辦個人網站「好大個網」獨立製作相關節目延續至今，今年5月將踏入第16個年頭。結果於15年後，潘紹聰重返新城主持《恐怖熱線》。