呂爵安個唱絕密照曝光 半裸上身騷胸肌 介紹「專業捽紋身團隊」

MIRROR成員呂爵安（Edan）早前完成個人演唱會，昨晚Edan在社交平台貼出當天演唱會絕密照，相中Edan半裸上身擺出Chok甫，但用emoji遮住肚子位置，而Edan身旁工作人員化身「紋身清潔小隊」，為他清理身上的印水紙，他寫道：「演唱會嗰陣身上嘅紋身當然係印水紙嚟㗎啦，其實正常都可以hold幾日的，但由於又唱又跳爆晒汗，所以每日完show個紋身都會甩到一忽忽咁，每日完show都要抹咗佢第二日再黐過，而要完全捽甩佢係極度困難。

我之前沖涼自己捽，係會捽到成隻手爆曬微絲血管紅鬼晒，所以，每晚完show，我就會有呢班『專業捽紋身團隊』幫我用酒精逐啲逐啲捽走，然後先放我返酒店瞓覺，真係辛苦晒大家了。Btw整紋身係花姐好早好早已經suggest嘅idea，睇嚟佢仲記得我『造星2』唱跳『Trap』話想做Bad Boy。」

（即時娛樂）