李元元幼稚園文盲變全班第2　好成績全靠呢個人...

藝人李璨琛與太太梁志瑩（Sophia）育有兩女李元元（Lucy）和李斐斐（Sucy），當中7歲的大女李元元去年9月正式入讀小學，日前Lucy媽在社交網晒出李元元成績表並公布好消息，原來大女考獲全班第2、全級第10的好成績，操行就攞A-，還獲「操行優良獎學金」，兩度奪得進步獎，以及參加音樂會演出，認真叻女！

Lucy媽說：「報告返你哋個女係幼稚園係一個文盲，今年小一佢竟然考全班第二，我真係O咗嘴。想講返佢攞到好成績，完全唔關老母我嘅事，係我好好彩有一位好好嘅網民介紹咗一位超級鍾意教小朋友嘅伴讀書童（補習老師）俾我，每日放學一個鐘同佢讀書做功課溫習搞掂晒所有嘢，最開心係經過房間成日聽到佢哋笑到格格聲，老師仲成日教埋晒啲無聊IQ題，所以我都好感謝呢位咁有愛嘅補習老師，簡直係我嘅救世主。」

東網網站 : https://on.cc/東網Facebook專頁 : https://www.facebook.com/onccnews/