伍詠薇為做女一寧願唔瞓　感嘆半百歲人冇瞓過好覺

伍詠薇（伍姑娘）為方東昇主持的節目《好睡好起》任嘉賓，她過往曾發表一篇「缺眠感言」：「這30年的演藝生涯，我覺得很快樂，但亦痛苦，痛苦源於睡眠不足。但我很享受這種痛苦，有一㮔演員，包括我自己在內，是很享受被折磨的感覺。」伍姑娘直言寧願睡眠不足，都唔想開工不足：「你唔夠瞓係因為你可以做到女一喎。」日夜顛倒的拍攝生涯除令伍姑娘因失眠、磨牙及鼻鼾影響睡眠質素外，還要面對記性變差等問題：「半百歲人，冇瞓過一覺好好嘅覺。你都唔知邊日打邊日，係幾陰功嘅。」

對於首度在鏡頭前接受睡眠測試，伍姑娘準備周全，單是「陪瞓枕頭」也有7、8個，就連Pat Pat也有專用枕頭。最終在實驗室瞓到天光，比預期中睡得好；結果顯示，自覺睡眠負債嚴重的伍姑娘沒有臨床睡眠疾病，但負責評估的港大心理學系副教授李馨認為，伍姑娘仍要調整「生理時鐘」：「睇番你3、5點先瞓，但起身時間就12點、9點、11點都有。呢啲通常要由起身時間開始train起，因為起身時間可以控制。」

東網網站 : https://on.cc/東網Facebook專頁 : https://www.facebook.com/onccnews/