非常檢控觀︱林景程「癲」峰演技　陳庭欣拍分屍戲作嘔

藝人林景程在無綫劇集《非常檢控觀》「血古董」單元中最近終露出狐狸尾巴，飾演曾患精神病古董店老闆的林景程在最近兩集施展「癲」峯演技，以極端的憤怒、惶恐、奸險、兇殘樣追殺羅毓儀（Yuki）兼對質，令人看到心寒，網民再度認證曾獲得「最佳男配角」的景程演技實在相當出色。

林景程受訪指為配合角色，經過多次思考後，演繹確實有刻意Dramatic及極端化，在劇中眼神極盡瘋癲，大暴走，笑容亦猙獰詭異。當中一幕他拿着鐵剷極速跑落山追殺羅毓儀，張力十足，配以現場的燈光及詭異氛圍，視覺衝擊相當大。景程笑指拍攝這場戲難度極高：「嗰場我要舉起個鏟，由山頂跑落去Yuki度，因為個鏟都好重吓，又因為現場唔可以太光，Action時要望住Yuki又唔可以望地下，都有啲驚險㗎。」

此外，另一邊廂，梁証嘉與陳庭欣（Toby）發現被禁錮的鄭子誠離奇死亡，為免惹禍上身，竟萌生燒屍念頭，今晚（30日）一集將播出陳庭欣與証嘉分屍劇情，Toby受訪時坦承現場拍攝時一度作嘔反胃：「拍嗰時成枱都係血，嗰排又咁啱發生咗單好轟動嘅肢體案，當時個腦入面好多相關新聞嘅畫面，加上仲要喺荒山野嶺度拍，同埋道具嘅同事又整得所有嘢太逼真，我哋望住嗰幾個人，都有反胃同作嘔嘅感覺。」

Toby感激監製林志華給予不少演出機會，笑言每次與監製合作都逃不掉要走進荒山野嶺，好似《致命復活》的被棄屍荒山野嶺畫面，更為當年的經典情節，她笑說：「阿Lam次次都叫我去荒山野嶺拍，呢個真係好好嘅體驗同回憶，甘得嚟又有得發揮！」

東網網站 : https://on.cc/東網Facebook專頁 : https://www.facebook.com/onccnews/