拉埋欣宜落水｜許廷鏗重掌個人Ig帳戶 孖素顏鄧小巧飯敘

許廷鏗（Alfred）的Instagram戶口昨晚被入侵，頭像照不但被換成性感女人照片，對方更上載土耳其國旗照片，甚至不停刪除Alfred的帖子，嚇到Alfred相當慌亂，名副其實充滿「無力感」，幸幾小時後他的Ig戶口失而復得。

Alfred為了證明自己已全面掌控個人Ig戶口，今晚他開了Ig live，並和好友鄧小巧齊齊食飯，素顏上陣的小巧更下廚整幾味逗Alfred開心，Alfred還準備相機影低美食，實行「相機食先」。

飯局中，重提Alfred的Ig被入侵一事，他們還鬧着玩，大講有味笑話，甚至拉埋好友鄭欣宜落水。Alfred笑指小巧是hack他Ig帳戶的人，小巧聞言笑稱：「我諗住你好dry，咪擺張大啲（頭像相）囉，但原來都唔夠（大）。」Alfred亦笑說：「唔夠（大）呀，你知我見開乜嘢，即係Joyce（鄭欣宜）。」之後兩人笑到拍晒手，相當抵死！

（即時娛樂）