《中年2》顏米羔被公開追債　欠兩萬拖3年：何必咁樣傷害

TVB於2023年舉行的《中年好聲音2》，當屆季軍顏米羔（原名顏金達）自得獎後曝光不少，昨日（3月9日）是他的44歲生日，但卻被朋友於網上公開追債。一名叫「leo71287」的網民在threads貼出多張與顏米羔私訊的對話截圖，指顏米羔於2022年12月之後一直拖欠兩萬元，「今日已經係2025年3月都唔覆我幾時找數」。顏米羔之後在其社交平台同樣貼出對話截圖，透露自己「比賽完到而家都未收到公司一蚊糧」，又表示「我都唔係你睇咁風光」、「有事慢慢講，何必咁樣傷害」。最後貼出過數收據，指自己已即時清還兩萬港元欠款，更多付5000元，一共2.5萬元。

一名叫「leo71287」的網民昨日在threads出帖文，寫道：「Mic-go 師父生日快樂。一個係2022年尾，要做足十二個月嘅job。係你參加中年好聲音2之前嘅事。因為WhatsApp 你一直唔覆，你嘅好兄弟之一嘅我迫不得已要係呢度問你打算點。但係你個另一好兄弟間agceny（agency）公司話已經出晒錢畀你。」還特別標註顏米羔（micGO）。

「leo71287」貼出多張與顏米羔私訊的對話截圖，去年6月兩度聯絡顏米羔，都未能成功追收兩萬元欠款。顏米羔回覆：「兄弟，其實我由上年到而家都無工作收入，得啲好散嘅Job仔維持住，叫做好彩無咩要特別洗錢。比賽完到而家都未收到公司一蚊糧，生活精彩，但未有落袋，一分匹布咁長，搵日見面，好耐冇傾偈喇，我都經歷咗一個好難形容嘅旅程，辛苦但係堅持，我記得架兄弟，我會盡快settle。約，好耐冇見。」不過當對方提出見面日子，顏米羔卻未有再回覆，直至11月對方再追數，仍不獲回覆。

顏米羔在追債事件見報後，昨日於社交平台貼出3張對話截圖，他向「Leo」表示：「兄弟，我明你失望，但你選擇用哩（呢）個方法，其實傷害會好大。我承認我無好好溝通，真係好長篇，亦係我個人嘅嘢無必要你去體諒。我才剛剛settle好我之前自己嘅事情，我都唔係你睇咁風光，一直在努力中，有事慢慢講，何必咁樣傷害。我無咗電話紀錄，你話我知數目幾多，我攪（搞）咗俾你先」。顏米羔之後將總數2.5萬過數給對方。

顏米羔之後再在社交平台出帖文回應事件：「就今日3月9日有一位朋友在Threads發表，有指2022年未支付一個工作薪金2萬元，本人承認與對方溝通不足，導致對方不安，亦已與對方道歉並處理款項。事件處理完畢後，才發現有傳媒，在未聯絡本人尋找回應前，經已轉載及報導，故本人決定在此重新作出回應。多謝大家關心，收到晒大家嘅生日祝福。顏米羔　2025.03.09」