鄺潔楹獻螢幕初吻　吳沚默寄情工作無暇搵另一半

藝人鄺潔楹（Judy）、吳沚默（Momo）馬年齊賀歲，化身甜美仙子，整新年糖果包，寓意甜頭十足！一向愛挑戰的Judy，預告將於新劇有破格演出，獻上螢幕初吻；Momo則編劇、演員工作兩兼顧，無暇去搵另一半，惟望追求者加倍努力！

Judy和Momo去年合作拍攝劇集《玫瑰戰爭》，該劇改編自Momo之小說《維多利亞的派對》，雖然Judy之角色跟原著角色不太相同，但Momo大讚她演得非常之好，每次看Judy演出都有驚喜；Judy亦指在劇中有不少破格演出，是她入行以來拍攝尺度比較大的一次，連保留了多年的螢幕初吻也奉上，令她相當難忘。

除了《玫》劇，兩人亦有份參演無綫人氣處境劇《愛‧回家之開心速遞》，兩人不約而同希望《愛‧回家》可以長做長有，Judy的角色愈來愈有發揮，劇中跟女神李芷晴「爭仔」，又與袁文傑互調身份，非常好玩，在劇中演「賊婆」的Momo，戲份雖不算多，但她笑言過足戲癮：「每次演出都覺得好開心，因為處境劇可以比長劇做得浮誇，角色可以去到好盡。」

農曆新年，Judy直言沒有特別節目，只希望平安度過，全因蛇年犯太歲曾整傷玉手，導致二級灼傷，令她十分難忘：「上年農曆年，我喺屋企煲湯，點知我無為意屋企用咗個氣壓煲，諗住開蓋睇吓啲湯，結果煲蓋爆開灼傷手腕，所以今年農曆年我一定唔會煮嘢食，最緊要平安。」

至於Momo返江西鄉下探親兼出席表妹婚宴，直言出席婚宴壓力很大：「長輩會用好期盼嘅眼神，希望我快啲結婚，好大壓力。（有無人追緊？）唔知係咪遲鈍咗，唔多覺，如果有嘅話，希望對方出力啲，等我Feel到。」

場地：東港城

東網網站 : https://on.cc/東網Facebook專頁 : https://www.facebook.com/onccnews/