[Redmi Pad Pro 開箱] Z世代達人 - 挑戰大Mon iPad Pro平板地位！替代手提電腦 睇片辦工高性價比之選 | redmipadpro ipadpro xiaomi 小米平板
1,172 觀看次數小米旗下品牌 Redmi 最近推出咗全新嘅平板電腦 Redmi PAD Pro，主打輕便、大屏幕及高性價比，小麥 麥卓華當然第一時間同大家做個開箱啦！
Redmi Pad Pro 用上咗特大沉浸式12.1” 2.5K WQHD+ 屏幕，支援120Hz AdaptiveSync 屏幕更新率，配備高通 Snapdragon 7s Gen2 高效處理器，外型相當有時尚感，機身四邊採用咗直角設計，每邊有兩個喇叭位，支援 Dolby Atmos，加上裝置配備，全新升級
Dolby Vision，喺Netflix睇大片就就絕配喇！
用 Redmi Pad Pro 12.1寸嘅大Mon睇網頁當然冇問題啦，大部份嘅網頁都會用桌面版顯示，比起用手機睇，就方便好多喇！試埋串流睇片嘅表現先，睇有走馬燈嘅新聞片，就算我喺會場現場，5G寬頻收得唔係咁好嘅情況之下，表現都算唔錯㗎！
用得平板電腦，除咗希望睇片舒服啲之外，好多朋友都想當係一般手提電腦嘅替代品，貪佢夠輕又夠薄。Redmi Pad Pro 只有 7.52毫米厚，571克重，非常輕薄。等我哋就試吓用 Redmi Pad Pro，配合埋原裝嘅Keyboard套，分別開Word同Excel做下嘢先！ 雖然現場就冇駁mouse，不過體驗都唔錯，用埋遠端桌面Remote Desktop駁返公司嘅電腦，直程係手提電腦體驗一樣！不過當然啦，前提就係你要有一個唔錯嘅寬頻連線環境！
Redmi Pad Pro配備 10000 mAh 電量，官方表示，可待機超過33日，就算一直播放高清片，電力都夠12個鐘使用。而且支援33W快充技術，就算唔夠電都唔使擔心！
Redmi PAD Pro 提供石墨灰、煙青綠、同淺灣藍三種顏色選擇，官方建議零售價係港幣$1999，唔知佢會唔會係你心水嘅選擇呢？
自動播放下一則