應屆亞姐林海茵、陳美濤及陳琳琳，今午（13日）現身電影活動，即場跟專家學習打小人，專家教路最緊要打得夠狠，3人打起上來雖然有點雞手鴨腳、不熟對白兼未夠狠，好在以性感衣着大騷事業線「胸」狠搭夠。
3人中陳琳琳笑稱少時曾在家自製道具打小人：「小學畀同學蝦，咁啱喺電視見到人哋打小人，就用紙筆畫個火柴人當係個同學不停打。（你打時講啲乜？）咒佢成績差同阿爸阿媽唔畀佢出街玩囉。」
陳美濤則表示相信打小人有效，但怕有報應因此未試過：「我信世界係平衡嘅，做咗啲嘢你一定有相應嘅付出。（諗都冇諗過？）都試過想打情敵小人，但最後個男仔兩個都唔揀，揀咗第三個，好彩冇為個渣男令自己有報應啫。」身邊林海茵即表示認同，她説：「我都相信會有報應，中學曾經『被分手』，想打男友小人，我問過朋友話真係可以令對方運氣差同身體差咗，咁我更加驚，因為我體弱多病，擔心人哋會打番我小人，我頂唔順㗎，哈哈！」
東網網站 : https://on.cc/東網Facebook專頁 : https://www.facebook.com/onccnews/