【全民造星】12人男團MIRROR出道火速開騷 肥仔細貓被Out

ViuTV大型選秀節目《Good Night Show 全民造星》成功捧出新一批偶像歌手，並舉行簽名會，宣佈12人男子組合MIRROR正式成立，團員包括節目冠軍姜濤、亞軍Ian（陳卓賢）、季軍Lokman（楊樂文）、入圍10強的Anson Kong （江熚生）、Stanley（邱士縉）、Jeremy（李駿傑）、Edan（呂爵安）及節目落選者Frankie（陳瑞輝）、Anson Lo（盧瀚霆）、Tiger（邱傲然）、Jer（柳應廷 ）及Alton（王智德）；MIRROR更會在12月21日於九展Star Hall舉行首個個唱。
簽名會有300個名額，全場約有500位歌迷同場支持。MIRROR跳唱新曲《一秒間》開場，令歌迷High爆。《造星》監製黃慧君（花姐）現兼任MIRROR經理人，問到男團成員為何沒入圍10強的肥仔（梁業）、細貓（應智越）及龍志權（王力奇）？花姐透露肥仔已跟ViuTV簽下合約，稍後會跟大家見面，細貓及龍志權同樣因合約問題未能成軍，她坦言總不能要求對方解約，往後絕對有合作機會。
MIRROR可稱為史上最快開騷的樂壇新人組合，會否覺得太冒險？花姐認為先不應談論蝕錢與否這問題。問到MIRROR合約期？她表示大家可放心，往後數年都會見到MIRROR。
此外，問到隊長Lokman成軍後運作是否暢順？他說：「其實我哋合作咗都有半年時間，期間都積到默契。我哋都諗緊演唱會有咩可以做，畀啲新嘢觀眾睇。（對個騷有無壓力？）我哋無壓力，係花姐有壓力啫！」