練美娟自稱五官無可挑剔　沈殷怡靠運動變靚

藝人強尼、練美娟、沈殷怡繼《口罩小姐》後再為ViuTV另類美選真人騷《造美人》擔任主持，今次見證佳麗醜女大翻身，展現女人為靚不惜一切的熱血一面。擔任經理人角色的練美娟笑說：「最初真係睇到嘩一聲，有啲係唔識扮靚、有啲係身形上嘅問題。」強尼則說：「頭幾集大家真係唔好食咁飽去睇，過程會全方位幫佢改造，化妝、美容、醫學微調、健身等，去到決賽好震憾，個個都真係幾好咁。」

節目中部分參賽者進行醫學美容微調，練美娟則聲稱自己的五官已經無可挑剔，整容醫生朋友更稱她的樣子是黃金比例，她說：「如果要微調，會去減肥抽脂，依家係唔平均，個頭好細、個身就偏大，四肢發達，想將啲肉轉移到女性應有嘅地方。」殷怡則說：「大家都話我上鏡包包面，自己太鍾意食嘢，導致有雙下巴，我就選擇去做運動改善，真係搣唔甩再考慮其他方法。」

節目為三人帶來衝擊，齊齊去做運動令自己變得更好，強尼說：「希望身體狀況會Fit啲，我呢個年紀、同埋工作性質又冇需要去追求做筋肉人嘅，只係想將運動變成習慣。」

東網網站 : https://on.cc/

東網Facebook專頁 : https://www.facebook.com/onccnews/