承傳自福岡秘方嘅滑蛋丼小店　斧頭扒炸到外層酥脆｜北角｜星嵐

有時出街食，無無聊聊都會鍾意留意啲細節位，例如擺設、餐具、大小設計咁，會睇到小店同大店嘅分別。例如呢間咁，店內擺滿日本小精品擺設，又有啲柴犬壁畫掛畫，擺得刻意得黎又隨意，小店先會有呢種個性。

呢間承傳自福岡秘方嘅滑蛋丼小店，本身都長期爆滿，最近仲出咗呢款斧頭扒丼。如果大家有無肉不歡嘅朋友，真係Send比佢拉埋過黎，塊斧頭豬扒大份過隻碗，拍片手震開嘅我差啲拎唔穩。

-
🍖無敵斧頭豬扒丼 (每日限量 $198)
1️⃣頭咁大塊嘅斧頭豬扒(兩個人share都得)，比佢地招牌豬扒厚起碼兩倍，炸到外層酥脆，但內裡依然Juicy帶點肉汁，肉質鬆軟仲有少少脂肪。

2️⃣而底下係招牌滑蛋丼，聽講係來自福岡嘅秘方，撈飯濕潤唔會乾身，特別濃郁香甜。食斧頭扒食到一半，可以問店員拎平時嘅吉列豬扒汁，沾汁試埋另一種風味。

🍱星嵐御品丼 - 吉列虎蝦穴子壽喜飯 ($168)
同樣巨型嘅爽彈虎蝦，仲有超長穴子，食得出都係靚料，同樣非常酥脆，仲配埋自家秘製蛋黃醬，而飯底都特別有心思，整咗個壽喜飯，都係甜身濃香超快清哂。

🥓跟前菜、日本味噌湯

-
星嵐 @mistystar_hk
🗺️北角清風街1A-1B號美城花園大廈地下KL-3鋪
📞3996 8752
❇️留意佢地同日本一樣，都係無加一~

生活