霍汶希收生日驚喜 偕14歲囡囡母女檔影封面 鬥嘴又鬥靚

霍汶希（Mani）今天（17日）生日，今年她收到一份超級特別的禮物，就是跟14歲的囡囡Hanni首次齊齊拍攝雜誌封面！這不單是Hanni人生第一次，更加是兩母女珍貴時刻，Mani開心到爆之餘，更謂是今年最正的生日驚喜！

Mani於社交平台解密這個「生日彩蛋」，興奮寫道：「Hanni一眨眼已經高過我，已經係可以同我並肩企，喺鏡頭面前淡定擺甫士嘅少女喇！」Hanni遺傳媽咪基因，首次拍攝封面零怯場，更被Mani讚勇敢，「你帶畀我好多驚喜，同我一齊創造呢份獨一無二回憶，係最好嘅禮物！」

今次拍攝更爆出母女搞笑日常，化妝set頭期間，Hanni竟然投訴：「媽咪用假睫毛瞪我。」Mani聞言反擊：「唔好成日用呢啲樣呀阿女，畀啲面好喎，大佬。」Hanni即時變臉擺出乖巧樣望鏡頭，還窒媽咪：「有鏡頭對住我就會咁樣。」Mani無奈道：「你唔好扮嘢呀。」Hanni不甘示弱：「你都唔好扮嘢。」最後Mani忍不住笑說：「我哋嘅關係真係好好㗎。」問到第一次拍雜誌感受，Hanni淡定一句「好玩」，Mani大讚囡囡：「佢好放鬆，係個有自信嘅女仔，我最重點教佢人品，因為做乜嘢人都好，人品最緊要。」

今次拍攝記錄了2母女重要成長時刻，Mani坦言這份禮物對她跟Hanni都意義非凡，因為Hanni即將出國讀書，這次封面就當是母女最甜蜜留念。至於生日願望，Mani向囡囡送祝福：「新嘅一歲，我最大心願依然係你能夠平安喜樂！」

（即時娛樂）