宣萱質問TVB重用歌星舊片被翻出　古天樂巔峰顏值成網民焦點

現年54歲的宣萱多年來保養得宜，近日一條她在TVB節目中發言的片段被翻出，當年青澀的宣萱帶著一絲稚氣，投訴當年TVB重用歌星，在場不少藝人鼓掌。而網民的另一焦點落在當年仍是青靚白淨的古天樂，認為手托下巴聽宣萱發言的他非常靚仔。

宣萱在舊片中發言：「無綫我覺得都係重用歌星呢個問題，因為我曾經試過喺三廠拍劇，可以二三四五廠主角全部都係歌星，我哋呢啲就係企埋一邊，雖然都幾多戲，但係永遠主角係歌星。同埋，我哋開工永遠等三、四個鐘都要等歌星，但佢哋遲到係一句sorry都唔使講，公司亦都唔會講一句教訓佢哋嘅說話，但我哋唔敢遲到，如果遲到就會俾人篤住嚟講點解你遲到，點解你咁唔守規矩。冇，我想你解答呢個問題囉。」

據知這片段出自於當年《K100》節目，當時邀請1994年《笑看風雲》和《餐餐有宋家》的劇組上節目宣傳，宣萱敢言引起全場藝人哄動。而在宣萱發言時，同框的古天樂成為網民焦點，留言「白古真係無敵！」、「古天樂好靚仔」、「個個都睇古天樂，其實伊健都charm」……