單身林愷鈴就快26歲冇Plan結婚　被嘲公路炸彈堅持學揸車

藝人林愷鈴（Ashley）今日（23日）初七人日於中環出席新春活動唱歌表演，喜氣洋洋。下星期生日的她透露會與媽媽龔慈恩一起工作並慶生，但自言將26歲，很快就30歲，已經過了妹豬的年紀，要好好計劃未來。問到是否有結婚大計？自言單身的她則說：「結婚就冇得plan，要識到人先。惟有努力搵錢，努力儲錢先。」

已經成為業主的Ashley直言也要努力賺錢供樓，買樓後也養成了記帳的習慣，發現自己最大的開支。因為沒有揸車，最大的開支是坐的士，以及叫外賣，會考慮多搭公共交通工具慳錢。

講到會否買車代步？她則笑說：「我要學識揸車先，但好肯定我係公路炸彈，新年同阿爸拜年，佢叫我千祈唔好揸車，話我會係公路炸彈，因為細個自己好大頭蝦，有時搭車都會瞓過龍，搭到去總站，但係依家已經有好大嘅改善，所以揸車都係一個好大嘅磨練，今年嘅目標都想學車。」最近她在社交網分享讀書照片，卻被網民指她大細眼和有雙下巴，Ashley則笑說：「我的確係大細眼嘅，化妝師好叻，依家化妝技術好好，但我未至於喬裝，只係化妝啫，同埋比較下，我都覺得我愈大愈靚㗎，哈哈。」

東網網站 : https://on.cc/東網Facebook專頁 : https://www.facebook.com/onccnews/