開心鬼｜跟李麗珍袁潔瑩難得聚首 傅明憲憶14歲拍戲趣事

黃百鳴昨天（8日）78歲生日，獲女兒安排晚上於九龍灣舉行《開心鬼》40周年放映活動，請來400位好友到場，看他首次當男主角的作品慶祝，包括曾參演《開心鬼》系列的傅明憲、李麗珍及袁潔瑩。

黃百鳴表示與袁潔瑩經常見，但李麗珍就很少見，他說：「好開心導演同編劇都到場，仲有麥秋老師，當年拎咗佢比賽冠軍劇本作藍本，馬偉豪當編劇。」他表示生日願望是身體健康及公司拍多些好戲，問可希望電影市道快點好轉？他說：「應該會好，我哋努力做好佢！」

傅明憲當年以14歲之齡，獲高志森導演發掘入行參演《開心鬼放暑假》，她分享拍攝趣事，她說：「記得第一日開工，屋企人唔放心，叫工人姐姐跟我開工。還有入行時用藝名孫慧，相隔9年入無綫就用真名，記得當年節目有條100萬終極問題，問《開心少女組》有邊4個人，但冇人記得孫慧同傅明憲係同一個人。」她表示當年開工十分開心，演學生不用演技，好似去玩，問現在可還有戲癮？她笑道：「唔會請我做學生，或者可以做校長，不過我驚跟唔上𠵱家步伐，𠵱家演員演技好犀利，我覺得再出番嚟會好小學雞，完全跟唔上，都係做慈善工作。」

（即時娛樂）