梁敏巧做義工聽求助電話：好多人需要幫助

無綫節目《東張西望》主持梁敏巧（Maggie）近日一連兩晚趁公餘時間為無綫與全港抗疫義工同盟合辦的《共渡疫境 暖心大行動》熱線中心做義工，擔任接線生聽求助電話，她說：「疫情嚴重，好多人都要居家隔離，亦唔能夠隨便上門探訪長者，做接線生可以幫到有需要人士登記攞福袋，亦可以同長者傾吓偈，一舉兩得。 」

梁敏巧落手落腳幫手，才體驗到熱線中心有多繁忙，她說：「一晚聽電話3個鐘跟本冇停過，一收線兩秒即刻就有人打嚟，證明好多人真係好需要幫助，尤其係獨居長者。曾經有位婆婆打嚟，一聽到有人接電話，聽到簡單問候，已經激動到喊。有機會同佢哋傾偈，唔單止可以比到佢哋心靈慰藉，同時自己可以喺抗疫出一分力，喺唔同崗位幫到人，亦得到滿足感，幫人其實亦係幫自己。」

東網網站 : https://on.cc/東網Facebook專頁 : https://www.facebook.com/onccnews/