李佳芯(Ali)、吳偉豪、林正峰及張國強等今日出席劇集《有種好男人》宣傳活動，活動上Ali被安排與劇中阿仔吳偉豪一起健身運動，Ali聽到後即時拉筋做準備，而Ali亦與吳偉豪表現得好合拍，順利完成動作，反觀陳庭欣與徐榮一組就比較遜色，做運動期間不時跌低。
對於首次演阿媽，Ali笑指自己接受唔到：「我強調係姊弟嘅感覺，咁就舒服啲，角色上都襯。」提到她剛才玩遊戲時，看起來感覺很輕盈，自言體重110磅的Ali就自爆在聖誕節食滯咗：「平時食得好清淡，食多咗肉同食咗糯米飯，搞到噚晚瞓得好差。」問到Ali新年會否相約朋友出外倒數，她表示不會， 最多會約朋友在家中一起倒數兼一起嗌，提到新年願望，她就笑言：「唔好再食滯，身體健康同埋希望下年快啲見到大家！」
至於吳偉豪則希望《你好，我的大夫》能快點播出，以及能拍多點劇，提到他70歲的爸爸吳大強早前為《中年好聲音》拍主題曲MV，吳偉豪表示有機會也想跟爸爸一起夾歌，又指拍攝當日自己亦在場，有陪爸爸一起綵排外，也有跟一眾參賽者吃飯，他笑說：「佢自己有話唔叻跳舞，我幫佢特訓唔到，因為我跳舞都唔叻，(爸爸體會到做明星辛苦？)不過佢唔覺得自己係明星，不過就話拍攝時間好長，對我都有啲同情心。」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
留言 0