結婚是人生大事，每個新娘也希望靚靚出嫁，但近日就有女網友在Threads上大控訴，分享自己早前舉辦婚禮午宴，化妝師居然失場，令新娘大失預算，事件惹來網民熱議。
新娘原本當日約好化妝師早上5am到場，但化妝師唔見人，亦沒有回覆訊息，於是新娘唯有請姊妹化妝師先頂上，直到5:52am才收到原本的化妝師回覆，自稱遲咗起身，並會立即趕到現場，但新娘表示已找另一位化妝師頂上，叫對方不用趕來酒店。其後該化妝師拍自己已到達酒店，準備好隨時工作，但新娘事後向酒店職員求證，對方回覆指沒看到有疑似化妝師的人出現過，令人質疑化妝師講大話。
新娘事後要求失場化妝師承擔責任，但對方只是退款及賠償價值$5800的兩小時化妝服務，「一句親口道歉」也沒有，引來新娘極度不滿。
新娘今日（24日）再出文，交代化妝師終於願意承擔新娘化妝的費用，化妝師亦於IG發布限時動態，登出道歉啟事。
事件引發網民狠批：「化妝師嘅失誤唔係金錢可以賠償到」、「好冇責任感同唔專業」、「回覆冇誠意」，亦有人大讚新娘高EQ，能應對突發情況。
不知道大家又點睇呢？不妨留言分享。
圖片來源：Threads
《好有脆》專門發掘社交媒體有趣帖文，所有內容及相片版權均屬發布人擁有。