鹿晗生日幸福不再　關曉彤首次缺席唔再送祝福

內地頂流鹿晗同花旦女友關曉彤分手傳聞滿天飛，到咗今日（20日）鹿晗生日正日，本身大家都關注二人會唔會好似過去7年咁送上生日post，可惜今次大家都等唔到關曉彤於零點祝鹿晗生日快樂，首次「缺席」鹿晗生日。

回顧兩人官宣，2017年10月8日鹿晗發文：「給大家介紹一下，這是我女朋友」並＠關曉彤。隨後關曉彤轉發回應：「哎呀嘛，咔咔的」正式官宣戀情，消息立刻引爆網絡，唔少藝人亦蜂擁送祝福。二人官宣至今七年多，關曉彤亦連續七年為鹿晗發文慶生，如今生日post不再，網友都認定二人係以行動表示「已分手」，惟鹿晗關曉彤官宣post仍然未刪，唔少人都希望佢哋可以跨過今次感情難關，對佢哋感情仍有希望。相反，好友鄧超、陳赫及鹿晗工作室都卡點發生日祝福，網友都祝賀鹿晗同好友友誼永固。

東網網站 : https://on.cc/東網Facebook專頁 : https://www.facebook.com/onccnews/