何依婷海邊跳K-pop　宣萱遭李漫芬破口大罵

邵氏劇集《執法者們》昨晚（27日）播出一集中何依婷的跳舞片成為焦點，她在劇中飾演喜愛Hip Hop的追夢少女，之後還有一場她與劇中好友陳星妤一起在海邊大跳K-pop的場口，依婷透露為了角色，專誠於拍劇前密集式上堂學跳 K-pop：「拍之前我哋都真係有去排舞，到咗拍之前嗰幾個禮拜，更加係密集式咁排，希望出嚟嘅效果可以畀觀眾覺得，呢位少女真係好鍾意跳舞。其實今次學跳K-pop都開心嘅，因為可以多個機會學新嘢。」談到開劇前滑雪受傷有否影響跳舞表現及拍攝，依婷透露期間有做物理治療。講到新劇造型，依婷直指相當滿意，皆因夠少女，望落減齡指數足足有十年，她說：「因為我個頭髮有啲粉紅色嘅highlight，道具、服飾又比較少女啲，都幾靚吖。」

另外，昨晚另一個搶眼場口，就是宣萱被飾演爛賭惡霸女囚犯的李漫芬破口大罵，頭更被「嘭一聲」壓落枱上，李漫芬表示：「拍完之後我都即刻攬住宣萱，係咁講對唔住，佢哋攬番我話冇事冇事。」她續指以前擔任娛樂新聞台主持時，曾多次訪問宣萱，故與對方合作拍劇沒有太大隔膜，並大讚宣萱十分好人：「我哋拍呢套劇嗰陣都有互相問候，到拍嗰陣，佢都話：『你盡情就得㗎啦，唔使擔心』，我都話我寧願一take過，費事NG大家都辛苦，咁佢又話：『係呀係呀！盡情得㗎喇！』所以我拍嗰陣都冇乜壓力，好順利咁完成咗。」

東網網站 : https://on.cc/東網Facebook專頁 : https://www.facebook.com/onccnews/