巴塞隆拿一球淨勝西維爾 拉莫斯烏龍波不幸成「罪人」

西甲星期五賽事，巴塞隆拿大戰西維爾，主隊嘅巴塞4-3-3陣式今日收起防中羅美奧(Oriol Romeu)，由根度簡做拖後中場，拉芬拿(Raphinha)擔任右中場，由16歲小將耶馬爾(Lamine Yamal)出任右翼。另一邊嘅西維爾今日4-2-3-1陣式作出輪換，左右二閘換上柏度沙(Adrià Pedrosa)同山齊士(Juanlu Sánchez)，中場起用祖安佐敦(Joan Jordán)，面對質素高一班嘅巴塞，西維爾今場危機處處🫣

上半場巴塞以6成控球率主攻對手，並且常常加快節奏，摒棄一貫堅持嘅地面組織，今日有較多長波吊上去，不過今日右翼耶馬爾狀態反常未如一貫好評，左翼祖奧菲歷斯現位同決定都能製造唔少威脅，但埋門一腳卻令人失望，例如22分鐘菲歷斯小禁區起腳射中楣。而客隊西維爾以突擊為主，雖然球員級數未能同巴塞相比，但係罰球角球攻勢都有製造驚險鏡頭，特別係臨完場前拉傑迪嘅罰球傳中，中堅拉莫斯同前鋒盧基巴基奧差少少就能夠破門🥹

巴塞方面戰術上善於利用球場闊度，兩翼經常拉到最邊再快速落底作進攻，而係37分鐘拉芬拿一次入楔拉傷大腿退下火線，小將費名盧比斯(Fermin Lopez)入替。巴塞整場圍攻西維爾，雖然客隊嘅反擊更有威脅，但係久守必失，76分鐘巴塞右翼耶馬爾禁區二傳，皮球巧妙撞落拉莫斯隻腳反彈入網，巴塞以一記烏龍波領先。往後時巴塞都只係打算一球到尾，最終巴塞主場全取3分，1比0拿下西維爾暫時進佔榜首。

▼Follow 足球港場

Instagram: https://www.instagram.com/footballarena_hk/