無綫清談節目《香港婚後事》由陳自瑤、賴慰玲、黎諾懿及羅天宇主持，邀請嘉賓大談結婚及出軌等話題，不時掀起討論。在最新一集中，班底中唯一未婚的羅天宇成為焦點，被嘉賓「豹哥」單立文反客為主，質問他為何不結婚，又搞笑問他是否要在無綫藝員部睇相揀女友，引發全場爆笑。
最新一集《香港婚後事》請來結婚28年的單立文與和「豹嫂」胡蓓蔚分享愛情保鮮秘訣，不過豹哥另有計劃，主動出擊問現場唯一未婚的羅天宇還未結婚的原因：「係咪搵唔到？要喺TVB逐個揀？即係藝員部七樓嗰度睇相？」另一主持人黎諾懿代為解釋，原來電視城七樓藝員部有塊釘滿藝員照片的壁報板，本來是供監製揀人，抽水表示：「今日終於知道，原來係畀Joey揀人。」連當事人羅天宇亦笑不停。
豹哥之後狀甚擔心表示：「我驚佢畀女人呃，咁多次，知唔知啊？新聞係咁報道，你諗吓佢，幾慘。我真係可憐你㗎！」羅天宇尷尬回應：「我知呀，多謝。」他之後解釋都想結婚，年輕時拍拖都會往婚姻方向發展，但慢慢覺得不太順利，但就表示仍相信愛情。
現年36歲的羅天宇入行多年，經常與無綫女藝人傳出緋聞，認愛的女友僅林芊妤、苟芸慧及湯洛雯，另外緋聞女友包括蔣家旻、高海寧、陳瀅、何依婷、戴祖儀、陳曉華等，上月被指暗撻「東張女神」陳懿德，被封為「女神收割機」。