【Galaxy Z Flip5 評測】超實用機面屏幕 丨外形時尚精巧 易於攜帶 丨 3.4" Flex Window 丨外形性能兩兼顧 丨Samsung Galaxy Z Flip 5 #ZFlip5

上集Z世代達人就同大家講咗Samsung Galaxy Z Fold 5，今集就同大家介紹埋今年Samsung另外一部嘅旗鑑級摺機Galaxy Z Flip 5啦～
首先都睇睇Z Flip 5摺疊後嘅情況先，Z Flip 5同Z Fold 5 一樣採用咗最新嘅鉸鏈技術，令到Z Flip 5摺疊之後，屏幕與屏幕之間更加貼合，一樣都做到零隙縫嘅效果。相比起Z Fold 5，個人覺得Z Flip 5摺疊咗之後嘅隙縫睇落更小，幾乎係肉眼睇唔到嘅情況，比起Z Flip 4真係進步咗唔少啊～而同時亦都因為用咗最新嘅鉸鏈技術，Z Flip4嘅機身更輕更纖簿之餘，屏幕上邊嘅摺痕已經變到非常淺。
之後就睇睇Z Flip 5嘅重點功能Flex Window，其實Flex Winodw就係指Galaxy Z Flip 5機背上面嘅屏幕，今次嘅Flex Winodw相比上一代Z Flip 4大咗超過三倍咁多，而且亦都多咗唔少嘅新功能。首先現在Flex Winodw 只要喺版面向下輕掃，就可以快速設置音量、亮度、Wi-Fi等功能。同時長按Flex Window嘅屏幕，會有唔同風格嘅待機畫面比你地選擇，甚至可以自定義自己影既相，拍既片都可以做待機畫面添。而今次Google Map , Youtube , Netflix , Spotify等應用程式都可以喺Flex Winodw到運作，而且整體過程都非常流暢，唔會有彈App嘅情況出現。咦，喺Flex Window睇片體驗真係幾新奇架，好啱鍾意喺街到煲劇嘅人，而且因為Flex Window今次尺寸增大嘅原因，整體睇片體驗都唔差，字幕都可以睇到一清二楚啊~ 最緊要係單手就可以拎到啊！
大家可以期待Samsung未來會支持更多應用程式落Flex Window~相比起Z Flip 4，現在Flex Winodw會提供完整嘅虛擬鍵盤，入邊包含埋表情圖案Emoji，同埋語音轉化文字等功能，Z Flip 5性能方面亦都唔差，Z Flip 5採用咗Snapdragon Gen2 Mobile Platform for Galaxy，亦即同Samsung S23系列相同嘅核心。我地亦一如以往，用跑分軟件睇下Z Flip 5可以跑到幾分先~跑出黎嘅分數，絕對喺達到旗鑑級手機分數嘅水平架~而打機方面，成個打機體驗當然就無Z Fold 5超級大屏幕咁有浸沉感啦，但亦都因為Snapdragon Gen2 for Galaxy呢粒八核心嘅加持下，整體遊戲體驗都非常流暢，FPS都好穩定，手機嘅溫度亦都唔會太高。睇片方面，當播放帶有走馬燈嘅新聞片時候，下邊行走馬燈亦都非常順暢，完全無疾格嘅情況出現。最後就到咗相機方面啦，今次Z Flip 5相機配置無咩太大嘅改動，會有一組1200萬像素嘅主鏡頭及超廣角鏡頭，最後就會有一組1000萬像素嘅自拍鏡頭。Z Flip 5影出黎嘅相，整體黎講都有唔錯嘅表現，相片入邊嘅顏色處理亦都比較自然，細節保留度都唔差，同時都唔會有油畫化嘅情況出現。
Z Flip 5設有四種顏色，分別係薄荷綠、炭灰黑、淡藤紫以及奶昔白，會有兩個版本比大家選擇，分別係8GB RAM + 256 GB ROM , 8GB RAM + 512 GB ROM ，價錢分別係HKD $8298 , HKD$ 9298。而家於Samsung官方會有免費升級嘅限時預購優惠，有興趣嘅朋友就快啲去Samsung官網預購啦~
希望您鍾意我今次嘅介紹啊，記得Subscript meeeepmore嘅Facebook專頁，同Youtube頻道。同埋Alfred Mak嘅Facebook專頁，今集講住咁多先，ByeBye~