近期最正手工潮洲菜　滷水獅頭鵝肝、慢煮沙茶牛肋｜潮藝館｜尖沙咀

其實咁多種菜式入邊，中菜真係最百搭，朋友gathering可以食，見客傾生意可以食，家庭聚會可以食，今次呢間仲要靚環境高水準，可以Save低見家長黎食添。

呢間近期食過最正嘅潮洲菜，原來大廚莫佑師傅大有來頭，多年黎做過唔少酒店同私人會所，又拎過唔少烹飪大賽大獎，不過其實從呢到嘅出品，都已經睇到超水準。

-
🍗滷水獅頭鵝件 ($238)
🍗滷水獅頭鵝肝 ($368)
潮洲必食滷水，呢到嘅滷水濃香有層次，重點必食鵝肝，肥嫩得驚人，入口半溶，而且大片厚肉超幸福，一份2-4人Share都得。

🦑椒麻帶子拼墨魚酥 ($188)
🥩低溫慢煮沙茶牛肋
前者係雙拼前菜，椒麻配帶子刺身，第一次食呢個配搭，墨魚酥自家製，一層層又酥脆，後者牛肋慢煮過，保持肉色粉嫩，但沙茶非常入味。

🥘紅燒潮州翅 (限定價 $368)
🦀潮汕打冷松葉蟹 ($698)
如果重要日子想食豪啲，大廚都擅長用唔同高級食材，潮洲凍蟹竟然用上松葉蟹，除咗原條鮮嫩蟹肉，中間仲有鮮拆蟹肉拌蟹膏，鮮甜到痴線。

🦪濃湯蠔仔肉醉泡飯 ($168)
🥓韭菜豬紅 ($98)
🥬方魚芥蘭 ($168)
🍲層出不同炒飯 - 炸瑤柱、蜆肉粒、鹹肉粒、芋頭粒、蝦米粒炒起($288)

🧉椰王薑薯糖水 ($108)
潮汕特產嘅薑薯，出邊已經越黎越少見，呢到配埋原個椰皇，香甜得黎滋潤，食落超舒服。

-
潮藝館
🗺️尖沙咀彌敦道63號iSQUARE國際廣場6樓602號舖
📞62933118

生活