龔柯允習慣慢活　對香港急速節奏感痛苦

歌手龔柯允（Karen）早前回家鄉馬來西亞放了一個悠長假期，返港後她一直好忙碌，她說：「返到嚟好多事情要處理，好似屋企、車、貓貓、儀容、工作安排等等。」因為她本身是個慢活的人，所以要適應番香港節奏，笑言都有少少痛苦。前晚她與同門海俊傑一齊參與一個私人晚宴，除了開心有Live band，面對無敵海景唱歌，她坦言確實享受。

日前Karen又獲邀出席短片創作比賽嘉賓，分享拍攝心得，Karen表示為了今次分享做足一整晚準備：「我親自撰稿同練習演說，我係好用心，講吓自身經驗拍嘢時遇到嘅困難同點樣堅持自己嘅目標。（有乜貼士畀鍾意拍短片同參加嘅年輕人？）最緊要清晰自己想拍啲乜，受眾係咩類型嘅觀眾，好似我喺馬來西亞長大，嚟到香港發展，我會好想將馬來西亞嘅特色，風土人情或者食物用輕鬆既手法介紹畀觀眾，等佢哋都可以多啲了解下馬拉嘅生活。」之前她在馬拉拍了幾首歌的MV，亦都拍了好多唔同的視頻，正努力剪片同準備新歌的事。

東網網站 : https://on.cc/東網Facebook專頁 : https://www.facebook.com/onccnews/