梁皓恩新節目騷長腿　收網友鹹濕留言

由舞台劇演員躍身成為演員兼主持的梁皓恩（April）早前為ViuTV節目《樂齡日記》任主持，該節目以介紹老人家興趣為主，但估不到，近日竟惹來大批宅男熱議，全因April的長腿太搶鏡，有些網友話「裙太短」，有些則讚April「腿很長」，亦有些鹹濕留言。

對於網友「錯重點」在社交網海量熱議，April直言意想不到：「我覺得好好笑，同埋係意料之外，因為呢個係一個老人家嘅節目，播映時間亦係清晨，估唔到都會畀咁多年輕觀眾留意到，有啲仲話要追嚟睇，當然亦有啲係負面嘅留言，但我覺得言論自由，佢哋想講乜嘢都可以嘅，有人留意個節目都係一件好事。」

至於有無收到網友的私訊？April則指有，但內容同樣亦是意想不到：「好開心，全部都好正面，就算係網上留言講啲鹹濕嘢嘅，反而畀我嘅私訊係正面，係一啲鼓勵我嘅說話，Warm到爆炸，呢個係我另一個意想不到，亦好多謝佢哋嘅鼓勵。」

東網網站 : https://on.cc/

東網Facebook專頁 : https://www.facebook.com/onccnews/