小米15 Ultra 開箱 | Z世代達人- Leica加持 小米15 Ultra 相機旗艦新標準！2億像素遠攝 相機模組極級享受 小米15開箱 Xiaomi15Ultra 香港新機 5G手機

小米啱啱就喺香港發佈咗Xiaomi 15系列手機，早前亦都邀請咗我哋出席喺海洋公園舉行嘅媒體發佈會，一齊同大家睇睇呢部重新定義影相手機嘅 Xiaomi 15 Ultra！
手上面嘅呢部 Xiaomi 15 Ultra 配色係今次最特別嘅復古設計，機背沿用左舊式 Leica 相機嘅銀黑配色，睇落去成部相機咁，屏幕用上左四邊曲屏設計，配合超窄嘅邊框，6.73寸 AMOLED屏幕效果相當之好，亮度峰值亦達到3200 nits尼特，相信喺室外猛太陽嘅地方使用，都一樣睇得清清楚楚。
做得旗艦手機，配置亦都相當強勁，包括使用高通Snapdragon 8 Elite 頂級嘅 3納米製程處理器，配備16GB 記憶體，雖然重量都有229克，不過拎上手，手感都唔錯，並唔覺得重。咁強勁嘅配置，無論一般上網定睇串流視頻，一定就冇問題㗎啦！當然亦都支援 Xiaomi HyperAI嘅各種功能。
由於 Xiaomi 15 Ultra 有 Leica嘅加持，官方亦都推出專用嘅拍攝套裝，加入呢個手機套同額外嘅把手設置之後，外型同功能都直逼傳統相機！
加咗相機配套嘅 小米 15 Ultra，絕對唔係淨係變裝咁簡單，把手上面嘅拍攝掣，同數碼相機一樣撳半下就可以做到鎖定自動對焦，而且旁邊仲可以調校光圈嘅大細，亦都可以處理Zoom In、白平衡等等嘅功能，拎起部機都有化身專業攝影師嘅感覺！
睇埋呢部機嘅鏡頭喇，今次鏡頭模組入邊嘅四個鏡頭都得到 Leica 嘅加持，包括五千萬像素嘅主鏡、二億像素嘅潛望鏡、五千萬像素嘅浮動長焦鏡頭、同埋五千萬像素嘅超廣角鏡頭。而為咗令到手感更加舒服，同上一代比較，鏡頭模組嘅擺位都有進一步優化同埋微調，亦採用火山口式嘅設計，上手嘅手感都唔會有明顯哽手嘅感覺！Xiaomi 15 Ultra 亦配備咗3200萬像素嘅前置鏡頭，鍾意Selfie嘅朋友都唔會失望喇！既然嚟到海洋公園，就等我試幾張低光相俾大家睇吓！再睇埋啲隨手影嘅相先！
小米15 Ultra配備5410mAh電量，足夠一日使用，亦分別支援 90W 同 80W 嘅有線同無線快充，亦同時兼容多種快充嘅制式，就算唔記得充電，差一陣就已經夠用啦！手機亦都配備IP68專業級別嘅防水防塵功能，就算部機喺1.5米水深之下，唔過30分鐘都唔會有問題㗎！
Xiaomi 15 Ultra 兼容Wi-Fi 7，亦都支援eSIM，睇返佢5G嘅頻段，無論NSA定SA都相當齊全！顏色方面，除咗有我手上嘅傳統Leica銀白設計外，亦都有黑色同白色選擇，內置容量方面，分別係512GB同埋1TB兩個版本！