新開樓上鑊氣小炒　黃金蘇炸脆蠔餅薄身香口｜旺角｜風雲排檔

又樓上舒服，又大排檔，我知咁寫實又會有人話矛盾，但車仔麵鋪夠唔係木頭車啦，加上傳統大排檔買少見少，仲邊有咁多街邊檔，難得又有一間新店，復刻大排檔嘅鑊氣。

呢間主打大排檔鑊氣小炒嘅新店，其實係翻新轉營，樓上環境闊落好坐，啱哂一班人聚埋一齊，舒舒服服吹成晚水，再嗌多兩支藍妹啤一啤真心爽，埋單都係百零蚊位。

-
🦪黃金蘇炸脆蠔餅 ($98)
睇片都見，呢個蠔餅外形其實有少少唔同，炸得特別黃金酥脆，薄身香口到極點，蠔仔又夠足料。

🦐金沙黃金蝦 ($128)
滿滿濃厚鹹蛋黃，包住哂每隻蝦，非常香口邪惡，啖啖鹹蛋黃甘香，大蝦又夠新鮮爽甜，諗諗下其實都幾多海鮮食，而且質素都唔錯。

🍗招牌脆皮BB鴿 ($58)
🥘風雲小炒皇 ($108)
🥓椒鹽九肚魚 ($98)
🌶️鑊氣豉椒炒蜆 ($108)
仲有超多唔同小炒小菜，價錢唔貴，嗌滿成枱埋單每位都係百零蚊，見到最近開學，就諗返起以前開Sem飯，一班人嗌滿成枱餸嘅畫面。

🍺藍妹 (一支 $34)

-
風雲排檔 @fengwanrestaurant
🗺️旺角彌敦道628號瓊華中心10樓
📞21561618

生活