「Babyface哥」向梁敏巧公開示愛　Maggie回應：邊襯得起你

TVB節目《呃錢》上周開播，一名黃姓港男透過婚姻介紹公司結識異性，花費2萬多港元購買相親套餐，但相親對象及配對服務貨不對辦，他懷疑自己墮入騙局。黃先生於節目中一句「其實我有baby face，點會冇市場呢？」成為城中熱話。

「Babyface哥」黃先生之後在自家YouTube頻道直播時爆料：「Maggie嗰日問我一個問題，『你覺得我同相親嘅女性，邊個靚啲呀？』我抱著一個拍馬屁嘅心態，『差Maggie少少啫，不過佢哋已經好索』我討好Maggie啦！當然Maggie係索，我發誓Maggie真係靚，我唔係踩佢，亦唔係拍馬屁，只不過想討好crew個班底，我驚佢哋唔（播）出街，所以係咁讚佢靚，用返中介嘅招數。」TVB亦在「東張+」YouTube頻道上載「獨家播未曝光片」，當中「Babyface哥」直言梁敏巧（Maggie）是自己心水女神。

今日（10月28日）凌晨時分「Baby face哥」與林作同步上載影片，寫道：「各位，Babyface 今晚同我見面，話我知自從東張Maggie梁敏巧訪問完佢後，佢就深深地被佢吸引，決定要在30日內，令Maggie答應同佢7街訓…唔係，係7街約會！明天開始，倒數開始！究竟能否抱得美人歸？拭目以待！ Babyface，加油！#babyface追東張Maggie30日大挑戰」。

「Baby face哥」在片中自信地說：「我要媾Maggie，我要媾《東張》Maggie。」他又表示：「我有《東張》Maggie，使畀人呃？」「Baby face哥」表示喜歡Maggie夠高，又鍾意她教瑜伽，「多姿勢」。林作表示，「Baby face哥」在30日內要將Maggie追到手，他建議對方先減肥，但被「Baby face哥」拒絕：「我唔會減，我驚減咗肥好多人鍾意我，我會花心，對Maggie唔公平。」最後林作代「Baby face哥」發出挑戰：「30日內成功同Maggie出街公開約會」。梁敏巧回覆傳媒查詢時表示，對方喜歡點講就點講，睇完得啖笑，當睇靈異嘢。

View this post on Instagram

A post shared by Jolam 林作 (@jolamchok)