試3間傳統上海風味小店　滄浪亭、一家、滿堂樂

今日試3️⃣間香港買少見少嘅傳統上海風味小店～

1️⃣ 滄浪亭
滿堂樂附近嘅係呢間滄浪亭網上評分都頗高嘅上海菜
店鋪面積不大，有機會需要搭檯

🌟 大排麵：即係平時食嘅上海排骨麵。麵係較少少粗身嘅，湯值得一試嘅鮮，另本來較厚重嘅麵更易入口。排骨新鮮炸起，脆身薄切，不過少咗平時排骨麵嘅juicy口感，睇大家鐘意脆身定係多肉汁嘅選擇

🌟 雞絲粉皮：花生醬味好突出，粉皮爽口又滑，唔會痴住，份量好夠
聽聞佢地嘅嫩雞煨麵非常出色，可惜小編一人無法試埋，歡迎大家提供食評～

2️⃣ 一家
呢間係食上海x四川野，
呢間餐廳從環境到出品都唔錯👍

🌟水煮牛肉(午餐)
少少辣大大兜好食，唔食得辣嘅勉強都食到~ 牛肉份量不少，配料比足，
最好食係入面戈個綠豆粉皮，有咬口又入味，但得好少…
有飯有湯對得住個價錢，總括黎講是好評的。

🌟小籠包
簡單一句，皮薄湯多餡靚，
味道啱啱好，熱辣辣好好食。

🌟溫文爺爺(奶蓋伯爵茶)
茶底香厚，奶蓋挺身好夾配料足，
相信佢嘅野飲水準都幾高，
美中不足係甜咗啲。

3️⃣ 滿堂樂

🌟 栥飯
份量十足，阿姐幫我地剪開一半，見到入面嘅餡料湧住出黎：肉鬆、榨菜、香脆嘅油炸鬼，阿姐又特別講解，每一份栥飯都係現點現包（人手包）所以油炸鬼送上檯嘅時候都唔會好淋，每一啖都真材實料👍

🌟 炸豬扒
因為想試試佢哋嘅擔擔麵，但係又聽聞豬扒好出色，所以就點了呢個小食份量嘅豬扒🥩～超入味，豬扒唔會好鞋，如果薄粉啲會更完美

🌟 擔擔麵
老闆特別介紹如果唔加辣就帶唔出佢嘅特別風味，所以怕辣的小編唯有叫了BB辣🌶️ 個麵陣濃濃嘅麻醬味撲面而來，輕輕用調羹攪拌均勻，好足料嘅豬肉碎，味道剛剛好。相信吃得辣嘅朋友仔如果點辣啲，味道會更出色。
－

本影片非廣告贊助，歡迎金主打賞。

更多美食、煮食資訊同分享，
記得訂閱埋YouTube!

生活