洪永城老婆梁諾妍突入院做手術割瘡仔　現已復工但要停跑兩星期

梁諾妍（Inez）與洪永城於2021年結婚，育有兩名女兒，今年3月誕下細女Beryl之前，熱愛跑步的Inez懷孕7個月依然落場比賽，而產後亦極速修身，向來相當健康，但她昨日（30日）突然分享身在醫院病房吊鹽水的相片，表示剛做了一個小手術，可能要休息一個星期才能復跑，讓網民十分擔心，後來她報平安表示已經復工，身體生了一粒瘡。

Inez愛跑如命，近日亦成功鼓勵老公洪永城一起跑全馬，偏偏昨日她在社交平台上載醫院病房吊鹽水的相片，寫道：「做咗個小手術，可能要休成個禮拜先可以跑返步。」不少網民看到照片後相當擔心，其後Inez再出Post貼工作照報平安︰「多謝大家關心，只係小手術，身體生咗粒瘡仔要攞走佢，不過因為未埋口所以未跑到步住。可能大家呢1-2個星期見唔到我update跑步，好快重返跑道！今日已經繼續工作很順利﹗」

Inez接受傳媒訪問時提到，原來傷口在大腿附近。「應該大腿附近損咗平時唔為意，然後天氣又熱，跑步時又俾汗罨住，令傷口受到感染。」她又提到醫生要她開刀放出瘀血。「不過因為傷口容易再受感染，所以傷口唔埋得口，要放棉花入去個傷口度，每日返醫院洗傷口，所以要等傷口自己癒合先可以再跑返步。」

今日Inez再貼不少相片，其中一張估計是返醫院洗傷口的相片，寫道「出院後洗傷口DAY 1」，而洪永城發文亦只提及跑步，估計Inez傷勢不大，網民們不用擔心。